د طالبانو د کډوالو ستونزو ته د رسېدنې عالي کمېسیون خبر ورکړی، چې د یکشنبې په ورځ له پاکستان او ایران نه ۱۲۶۶۶ افغان کډوال په جبري توګه افغانستان ته ستانه کړای شوي دي. یاد کمېسیون ویلي، چې دغه کډوالو ته په بېلابېلو برخو کې خدمتونه هم وړاندې شوي دي.
د طالبانو د کډوالو او بېرته راستنېدونکو چارو وزارت وايي، په تېرو دوو اونیو کې له ګاونډيو هېوادونو په ځانګړې توګه له پاکستان څخه څه باندې ۱۵۰ زره افغانان بېرته هېواد ته ستانه شوي دي. په دغو ستنول شویو کسانو کې له ایران او ترکیې را اېستل شوي افغانان هم شامل دي.
د امریکا د کډوالۍ او ګمرک ادارې یو پخوانی افغان پوځي افسر، چې د طالبانو پر ضد جګړه کې یې له امریکایي ځواکونو سره همکاري کړې وه، نیولی دی. د راپورونو له مخې، نیول شوی کس «محمد علي دادفر» نومېږي، څلور اولادونه لري او په کلراډو ایالت کې اوسېده.
تېره ورځ له ایران او پاکستان نه ۲زره او ۹۳ کورنۍ افغانستان ته ستنې شوې دي، چې له دې ډلې ۵۴ د ورېښمو پله له لارې، ۳۷ د اسلامکلا له لارې، یو زر او ۱۱۱ د سپین بولدک له لارې، ۷۲۹ د تورخم له لارې او ۱۶۲ د بهرامچې له لارې ستنې شوې دي.
د ملګرو ملتونو د کډوالو عالي کمېشنر فیلیپو ګرانډي د ملګرو ملتونو د عمومي اسمبلۍ درېیمې کمیټې ته په خپلې وروستۍ وینا کې د ایران او پاکستان له لوري د زرګونه افغان کډوالو د جبري ستنولو په اړه سخت خبرداری ورکړی او دا یې د بشري حقونو څخه ښکاره سرغړونه بللې ده.
د طالبانو د کار او ټولنیزو چارو وزیر ملا عبدالمنان عمري سپین بولدک ښارګوټي کې د راستنېدونکو کډوالو له پنډغالي لیدنه کړې څو ستونزو ته یې رسېدنه وکړي. عمري له راستنېدونکو کډوالو سره لیدنه کې ډاډ ورکړی چې له امکاناتو سره سم به د هغوی ستونزو او ننګونو ته رسیدنه وکړي.
پاکستاني رسنیو راپور ورکړی، چې د بلوچستان ایالت په بېلابېلو پوهنتونو کې په زدهکړو بوخت ۲۰۱ افغان زدهکړیالان د اېستلو له ګواښ سره مخ دي. د راپورونو له مخې؛ دغه زدهکړیالانو ته ویل شوي، چې افغانستان ته ووځي او بېرته د ویزې له لارې پاکستان ته د زدهکړو د دوام لپاره ورتلای شي.
د طالبانو تر کنټرول لاندې د کډوالو ستونزو ته د رسېدنې عالي کمېسیون خبر ورکړی، تېره ورځ له ایران او پاکستان نه ۲۵۰۰ کورنۍ چې د غړو شمېر یې ۱۴۹۱۱کسانو ته رسېږي؛ افغانستان ته ستنې شوې دي.
تېره ورځ له ایران او پاکستان نه ۱۹۸۴ کورنۍ افغانستان ته ستنې شوې دي. له دې ډلې د ورېښمو پله له لارې ۴۰، د اسلامکلا له لارې ۶۵، د سپين بولدک له لارې ۵۵۸، د تورخم له لارې ۱۱۸۵ او د هلمند د بهرامچې له لارې ۱۳۶ کورنۍ افغانستان ته ستنې شوې دي.
د افغانې خبریالې فاطمه همنوا نږدې خپلوانو افغانستان انټرنشنل – پښتو ته ویلي، چې نن له غرمې وروسته پولیسو د اسلام اباد له «بي – ۱۷» ښارګوټي څخه نوموړې له خپلو دوو کوچنیو اولادونو سره یو ځای نیولې ده.
په پاکستان کې په دې وروستیو کې د کورونو له مالکانو غوښتل شوي، چې ناقانونه افغان کډوالو ته کورونه په کرایه ورنهکړي، نو له همدې امله سلګونه کورنۍ د پلازمېنې اسلاماباد په ارجنتینا پارک کې شپې او ورځې تېروي او د اېستنې له جدي ګواښ سره مخ دي.
د کډوالو ستونزو ته د رسېدنې په برخه کې د طالبانو کمېسیون وايي، د یکشنبې په ورځ له بېلابېلو لارو ۲۸۵۸ کډوالې کورنۍ چې ټول ۱۵۵۹۷ کسان کېږي، په جبري ډول افغانستان ته راستانه شوي دي.
د افغانستان او پاکستان تر منځ له ناندریو او جګړو سره سم، د ډیورند کرښې په اوږدو کې د دواړو لوریو ترمنځ ټولې لارې وتړل شوې او له ۲۱ ورځو وروسته د شنبې په ورځ (د لړم ۱۰مه) یوازې د افغان کډوالو د ستنېدو لپاره پرانېستل شوې.