چین د چهار شنبې په ورځ اعلان وکړ، چې پر امریکايي توکو لګول شوې نوې تعرفې به سر له سبا څخه عملي شي. چینايي چارواکو ویلي، چې د یادو تعرفو کچه به یې ۸۴ سلنه وي. له دې وړاندې پر امریکايي توکو د چین تعرفه ۳۴ سلنه وه.
د هیوسټن خبري اژانس د خبر له مخې، د امریکا-اسلامي اړیکو ټولنې ویلي، چې د مارچ په لومړیو کې د ټکزاس ایالت په هیوسټن ښار کې د پاول ریور په عالي لېسه کې درې افغانې زده کوونکې په ډله ییز برید کې وهل شوې، او دوی یې د څېړنو غوښتونکي دي.
د سې شنبې په ورځ د ډومینیکن جمهوریت په پلازمېنه کې د یوه شپني کلب د چت پرېوتو له امله لږ تر لږه ۷۹ کسان مړه شوي او شاوخوا ۱۵۵ نور ټپیان دي. د رویټرز په خپرو شویو انځورونو کې ښکاري، چې د پېښې په ځای کې د بېړنۍ ډلې کارکونکي له کنډوالو ژوندي پاتې کسان راباسي.
د سې شنبې په ورځ له هغه وروسنه چې د عمران خان خویندو ته له هغه سره د لیدو اجازه ورنه کړل شوه؛ د اډیاله زندان بهر له پولیسو سره تر شخړې وروسته پولیسو د ښاغلي خان خویندې او همدارنګه د تحریک انصاف ګوند ځینې کارکوونکي نیولي دي.
رویټرز خبري اژانس د شپږو هغو سرچینو په حواله چې له دې مسلې سره اشنا دي راپور ورکړی، چې د ټرمپ ادارې پرېکړه کړې د متحده ایالاتو د بیړنیو خوراکي مرستو په ګډون د بهرنیو مرستو شپږ پروګرامونه بیا پیل کړي.
د مسکو ټایمز خبري اژانس د راپور له مخې، د کرملین ماڼۍ ویاند دیمیتري پیسکوف ویلي، چې د روسیې او امریکا تر منځ د خبرو اترو دویم پړاو به د ترکیې په استانبول ښار کې ترسره شي.
د غزې د روغتیا وزارت د معلوماتو له مخې، په تېرو ۲۴ ساعتونو کې د اسراییلي پوځ د بریدونو له امله لږ تر لږه ۶۰ فلسطینیان وژل شوي او ۲۱۳ نور ټپیان شوي دي.
ډیلي ټېلګراف ورځپاڼې په یوې مقاله کې لیکلي، چې که څه هم د داعش ګواښ جدي دی، خو دا د امریکا لپاره یوه تېروتنه ده، چې د دې ډلې د کنټرول لپاره له طالبانو سره همکاري وکړي. دغې ورځپانې لیکلي: "موږ باید د نورو ترهګرو څخه د ساتنې لپاره په طالبانو تکیه ونه کړو."
د لبنان د حزبالله ډلې یوه لوړپوړوي چارواکي رویټرز خبري اژانس ته ویلي، چې دا ډله د لبنان له سوېل څخه د اسراییلي ځواکونو د وتلو او د هغوی د هوايي بریدونو د بندېدو په صورت کې چمتو ده، څو خپلو جنګیالیو ته د بېوسلوکېدو په تړاو د لبنان له ولسمشر سره مذاکرات وکړي.
د رویترز له خوا نوې نظر پوښتنه ښيي، چې ډېری امریکایان د ولسمشر ډونالډ ټرمپ له خوا د نویو پراخو تعرفو د لګولو وروسته د ورځنیو توکو د بیو د لوړوالي لپاره ځان چمتو کوي.
د اوکراین ولسمشر ولادیمیر زېلېنسکي ویلي، چې د اوکراین سرتېرو دوه چینايي وګړي نیولي چې د روسیې له ځواکونو سره جنګېدل. هغه زیاته کړه، چې کییف به له بېجینګ څخه په دې اړه وضاحت وغواړي او له خپلو متحدینو څخه به د غبرګون غوښتنه وکړي.
د اسراییل لومړي وزیر بنیامین نتنیاهو له واشنګټن څخه تر روانېدو مخکې په یوه ویډیويي پیغام کې خبرداری ورکړ، چې که د ایران د اټومي پروګرام د درولو لپاره خبرې ناکامې شي یا ایران ځنډ وکړي، نو «پوځي ګزینه» به مطرح شي.
د جرمني د مسیحي دموکرات ګوند(سي ډي یو) مشر فریدریښ مېرڅ او د سوسیال دموکرات ګوند (اېس پي ډي) مشر لارس کلینګبایل د نوي ایتلافي حکومت پر جوړولو نږدې نهایي هوکړې ته رسېدلي دي.