د پاکستان د کابینې د اقتصادي همغږۍ کمېټې د پنجشنبې په ورځ یوه نوې مسوده منظوره کړه، چې له مخې به یې افغانستان، ایران او روسیې سره د مال پر مال سوداګرۍ تګلاره بدله او اصلاح شي.
پاکستاني ځواکونو د بلوچستان په شېراني ولسوالۍ کې په یو لړ عملیاتو کې ۷ وسلهوال وژلي دي. د پاکستان پوځ د رسنیو څانګې په یوې خپرې شوې خبرپاڼه کې راغلي، چې له دغو وسلهوالو وسلې، مهمات او چاودېدونکي توکي هم ترلاسه شوي دي.
په اسلاماباد کې یوشمېر افغانان شکایت کوي، چې له کوم دلیل پرته یې د پاکستان حکومت په پرلهپسې ډول د ویزو غوښتنلیکونه ردوي. دوی له افغانستان انټرنشنل سره په خبرو کې وايي، چې په وروستیو میاشتو کې یې په وار، وار د ویزو غوښتنه کړې؛ خو له اوږد انتظار وروسته یې د ویزو غوښتنه رد شوې ده.
د افغانستان لپاره د پاکستان ځانګړي استازي محمد صادق خان د پنجشنبه په ورځ پر اېکس خواله رسنۍ لیکلي، د انګور اډې لار له دوو کلونو ځنډ وروسته د سوداګرۍ او موټرو د تګ راتګ پر مخ پرانیستل شوه. نوموړي ویلي، د دې لارې پرانیستل به د دواړو هېوادونو ترمنځ اقتصادي فعالیتونه پياوړې کړې.
د پاکستاني طالبانو تحریک په ازاد کشمير کې پر لاریونوالو د پاکستان پوځ له خوا برید «ظالمانه» بللی او ویلي یې دي: «د پاکستان پوځ کشمیر ازاد یادوي خو هیڅکله یې خپلواکې نه ده ورکړې.» دوی له کشميري ولس څخه غوښتي، چې د پاکستان د واکمنو پر تشو ژمنو ونه غولیږي.
د پاکستان حکومت اعلان وکړ چې په افغانستان کې د انټرنېټ د څو ورځني بندیز له امله د افغان محصلانو لپاره د «علامه محمد اقبال» تحصیلي بورسونو د غوښتنلیک وروستۍ نېټه د تلې تر ۱۸مې نېټې غځول شوې ده.
پاکستانۍ اېکسپرېس ټربیون ورځپاڼې خبر ورکړی، چې د پاکستان د پنجاب ایالت په پاکپتن سیمه کې په «خپله خوښه» د یوه کېدونکي واده پر مهال وسلهواله شخړه شوې او له امله یې دوه کسان وژل شوي دي.
په کویټې کې تر ځانمرګي برید وروسته پاکستان یو ځل بیا د تاوتریخوالي له زیاتېدو سره سم افغان طالبان تورن کړي، چې «ټيټيپي» ته یې په خپله خاوره کې پناه ځایونه ورکړي. پاکستان د پوځي عملیاتو تر څنګ د افغان کډوالو د اېستلو په څېر سختو انتخابونو سره مخ دی.
د پاکستان د بهرنیو چارو وزیر اسحاق ډار د اسراییل له لوري د «ګلوبل سمود» په نامه د فعالانو د یوې ډلې چې غوښتل یې د غزې خلکو ته بشري مرستې ورسوي؛ نیونه په کلکه غندلې ده. هغه ویلي، چې د اسراییل دغه اقدام له نړۍوالو قوانینو سرغړونه ده او باید نیول شوي کسان ژر خوشې شي.
د خېبر پښتونخوا ایالتي حکومت وایي، چې د یکشنبې په ورځ (د تلې په ۹مه) نېټه د پاکستان له بېلابېلو ایالتونو څخه ۱۹۳۵ کسان یوازې د تورخم له لارې اېستل شوي دي. په دغه کسانو کې ډېری هغه یې د ملګرو ملتونو سره ثبت «پي او ار» کارت لرونکي وو.
په اسلاماباد کې د طالبانو سفیر سردار احمد شکېب وايي، د افغانستان لپاره د پاکستان له پخواني سفیر منصور احمد خان سره یې په کتنه کې د کابل او اسلاماباد ترمنځ د شته ستونزو، فرصتونو او په ټوله کې د ګډو همکاریو په تړاو خبرې کړې دي.
د پاکستان امنیتي چارواکي وایي، د بلوچستان ایالت په کویټې، شېراني او کیچ ولسوالیو کې یې د بېلابېلو پوځي عملیاتو پر مهال ۲۱ وسلهوال وژلي او څلور کسان یې نیولي دي. ویل شوي، چې نیول شویو وسلهوالو د ښځو جامو کې د تېښتې هڅه کوله.
د بلوچستان په کویټې ښار کې ځايي چارواکو ویلي، چاودنه د دغه ایالت د سرحدي ځواکونو امنیتي تاسیساتو ته څېرمه شوې چې له کبله یې د درېیو سرحدي ځواکونو په ګډون نهه کسان وژل شوي دي.