انترفاکس خبري اژانس خبر ورکړی، چې روسیه او چین به د اګست له لومړۍ تر پنځمې نېټې پورې د جاپان په سمندر کې ګډ سمندري تمرینونه ترسره کړي. د روسیې د پاسیفیک سمندري ځواک په یوه اعلامیه کې ویل شوي: «دا تمرینونه دفاعي بڼه لري او د کوم بل هېواد پر ضد نه دي».
د روسیې او چین ترمنځ دغه تمرینونه داسې مهال کېږي، چې دواړه هېوادونه غواړي د خپلو نظامي اړیکو له لارې، د امریکا او لویدیځ پر وړاندې ګډ دریځ پیاوړی کړي.