دایران پخواني وليعهد شهزاده رضا پهلوي د امریکا په کانګرس کې د قانون جوړوونکو سره تر لیدنې وروسته ویلي چې د ایران د اخوندي رژیم پرځېدنه حتمي ده او باید نړۍ د ژغورنې فرصت ورنکړي.
هغه پر ایکس خواله رسنۍ لیکلي: «ما د امریکا د کانګرس له قانون جوړوونکو سره د لیدنې پر مهال څرګنده کړه چې ایرانی رژیم د اټومي پروګرام، بالسټیک توغندیو، د ټرمپ پر ضد فتواوو، جنایتونو او پراخ فساد له لارې نړۍ ته ګواښ جوړ کړی دی، او دا ستونزې نه د بندیزونو او نه هم د ډیپلوماسۍ له لارې ختمېږي.»
نوموړي زیاته کړه: «دغه ګواښونه یوازې هغه وخت له منځه ځي چې د ایران اخوندي رژیم په بشپړه توګه له منځه لاړ شي.
هغه وویل: «زه،ایران د ډیموکراسۍ پر لور د رهبري کولو لپاره عملي پلان لرم.»
پهلوي ټینګار کړی: «نړۍ باید د ایراني رژیم د ژغورنې هڅه ونه کړي او باید د ایرانی ولس سره د ازادۍ په مبارزه کې ودریږي.»