د جرمني صدراعظم فریدریښ مېرڅ له سیاسي فشار سره مخ دی څو د اسراییل پر وړاندې خپل دریځ لا سخت کړي. د مېرڅ د ایتلافي حکومت یو شمېر غړو غوښتنه کړې، چې برلین باید د اروپايي ټولنې او ۲۸ لویدیزو هېوادونو له هغې اعلامیې سره یوځای شي، چې د فلسطینیانو روانې وژنې غندي.
دغه اعلامیه د اروپايي ټولنې او ۲۸ لوېدیزو هېوادونو په ګډون د بریتانیا او فرانسې له خوا خپره شوې او له اسراییل څخه یې غوښتي چې جګړه سملاسي پای ته ورسوي، خو جرمنی تر اوسه له دې اعلامیې سره یوځای شوی نه دی.