د ملګرو ملتونو کارپوهان: که د نیول شویو بریټانیایانو درملنه ونه شي مرګ یې ګواښي

۵ ساعتونه مخکې

د ملګرو ملتونو د بشري حقونو کارپوهانو له طالبانو غوښتي چې د پیټر او باربي رینولډز په نومونو دوه بریټانیايي ښځه او مېړه چې له کوم تور پرته د طالبانو له لوري نیول شوي او دمګړۍ یې روغتیايي وضعیت هم ښه نه دی، له بندخونې ازاد کړي.

د دوی په وینا، دغه دوه بریټانیايي بوډاګان چې د روان کال له فېبرورۍ میاشتې راهیسې له کوم تور پرته په خپل سر نیول شوي سملاسي درملنې ته اړتیا لري او که درملنه یې ونه شي نو د مرګ له ګواښ سره مخ کېږي.

د بشري حقونو کارپوهان وايي، پيټر رینولډز د زړه پر ناروغۍ اخته دی او باربي رینولډز د وینې له کمښته رنځېږي او په وینا یې د باربي پښې هم بې حسه شوې دي.

طالبانو د یادو بریټانیایانو په تړاو یوازې همدومره ویلي چې د هغوی دوسیه محکمې ته سپارل شوې خو لاتر اوسه محکمې د هغوی په اړه څه پرېکړه نه ده کړې.

۸۰کلن بریټانیایی پیټر رینولډز او ۷۵ کلنه مېرمن یې د تېرې فېبرورۍ په لومړیو کې په بامیان کې په داسې حال کې ونیول شول چې د راپورونو له مخې یې هلته د زده کړو اړوند پروګرامونه مخته وړل.

نور خبرونه

رادیو