د امریکا ولسمشر ډونالډ ټرمپ ویلي، چې د جاپان لپاره یې د ایف-۳۵ جنګي الوتکو د توغندیو لومړۍ بسته تایید کړې او دا به د ټاکل شوي وخت نه مخکې، همدا اوونۍ جاپان ته ورسېږي.

ټرمپ د یوکوسوکا په سمندري اډه کې د (USS George Washington) جنګي بېړۍ ته د خپل سفر پر مهال وویل، امریکا به له دې وروسته هره جګړه وګټي، ځکه د نړۍ تر ټولو پیاوړی پوځ لري.

هغه د جاپان د لومړۍ وزیرې سنا تاکایچي سره د سرتېرو لیدنې ته تللی و.

تاکایچي ویلي، جاپان به د سیمې د سولې او ثبات لپاره فعاله ونډه واخلي او د امریکا سره به خپلې امنیتي اړیکې لا پیاوړې کړي.