د کونړ ولایت د ناړۍ ولسوالۍ په دوکلام سیمه کې د طالبانو او پاکستاني ځواکونو ترمنځ له نن سهار نه پیل شوې نښته لاهم روانه ده، چې دواړه لوري پکې درندې او سپکې وسلې کاروي. ځايي سرچینو افغانستان انټرنشنل ته وویل، چې ډزې همدا شېبه دوام لري، خو د مرګ ژوبلې په اړه لا کره معلومات نشته.
سرچینه زیاتوي: «دوه امبولانسونه د کونړ مرکز پر لور لاړل، خو تر اوسه نه ده معلومه چې ټپیان پکې وو که مړي.»
تر دې دمه د مرګ ژوبلې په اړه کره معلومات نه دي ترلاسه شوي.