د پرتګال د بهرنیو چارو وزارت په یوه خپاره کړي بیان کې اعلان وکړ چې سبا (یکشنبه) به فلسطین د یوه خپلواک دولت په توګه په رسمیت وپېژني.
پرتګال تر دې دمه محتاط دریځ غوره کړی و او غوښتل یې چې د اروپایي ټولنې له نورو غړو سره ګډ دریځ ولري.
اوس مهال یوازې څو اروپایي هېوادونه لکه سویډن، قبرس او ځينو پخوانيو کمونیستي هېوادونو فلسطین په رسمیت پېژندلی دی.
رویټرز خبري اژانس په یوه راپور کې وايي چې اسراییل د نړۍوالو له مخالفت سره مخ دی، ځکه د غزې په جګړه کې یې ډېر ملکيان ووژل.