د امریکا د ترهګرۍ ضد ادارې مشر جو کېنټ شنبه (وږي ۲۸مه) په یوه بیان کې ویلي چې القاعده ترهګره شبکه اوس هم ګواښ دی. هغه له خلکو غوښتي چې د دې شبکې د نړۍوالو ګواښونو پر وړاندې هوښیار و اوسي.
جو کېنټ وویل: «د امریکا ترهګرۍ ضد اداره د بېلابېلو ادارو په مرسته هڅه کوي چې د القاعده شبکې د احتمالي بریدونو او ګواښونو مخه ونیسي.»
د نوموړي په وینا، د امریکایانو د خونديتوب لپاره یې تازه د امریکا امنيتي ادارو ته یو استخباراتي راپور وړاندې کړی دی.
کېنټ زیاته کړې چې سږکال د القاعده شبکې یو غړی چې د پناهغوښتنې په پلمه امریکا ته راغلی و، نیول شوی او له دغه هېواده شړل شوی دی.