نړۍوالې رسنۍ وايي چې د امریکا د بهرنیو چارو وزیر مارکو روبیو د روانې اوونۍ په پای کې د منځنيختیځ ملګرو ترمنځ د کړکیچ په لړ کې اسرايیل ته ځي. روبیو داسې مهال دا سفر کوي چې څو ورځې مخکې اسرايیل په قطر کې د حماس د مشرانو پر غونډې برید وکړ.
په دې سفر کې به مارکو روبیو د امریکا او اسراییل ګډ هدفونه روښانه کړي، لکه د حماس د بیا واکمنېدو مخنیوی او د دغې ډلې له زندانونو د اسراییلي بندیانو راخوشې کول.
مارکو دا سفر په دوحه کې د اسراييل لهخوا د حماس پر مشرانو تر برید وروسته کوي؛ هغه برید چې عربي هېوادونه ی غوصه کړل او د اوربند خبرې یې وځنډولې.
دا سفر په داسې حال کې کېږي چې فرانسه او برېټانیا د فلسطیني دولت رسمیت پېژندنې ته چمتووالی نیسي او بلخوا اسرايیل په غزه کې د ښارګوټو د پراختیا پلانونه عملي کوي.