سوېلي کوریا وایي، چې په یوې ځانګړې الوتکه کې به له امریکا څخه خپل ۳۰۰ نیول شوي وګړي بېرته ستانه کړي. دغه کوریايي وګړي د امریکا په جورجیا ایالت کې د ناقانونه کډوالو پر وړاندې د یو لړ عملیاتو پرمهال نیول شوي دي.
ورته مهال واشنګټن ته د سوېلي کوریا د بهرنیو چارو د وزیر سفر په اړه هم خبرونه ورکړل شوي. د راپورونو له مخې؛ ښایي نوموړی د دې لپاره هڅه کوي، چې د دغه کارګرو د ستنولو اجازه ترلاسه کړي.