په پاریس کې د افغانانو د یووالي کلتوري ټولنه وايي، چې نن د شنبې په ورځ د پاریس په ۱۸مه ناحیه کې یوه افغان کډوال بل افغان کډوال د چړې په وار وژلی دی. نوموړی وايي، د پیښې انګیزه نه ده معلومه خو پولیسو د یادې پېښې په اړه پلټنې پیل کړې دي.
په پاریس کې د افغانانو د یووالي کلتوري ټولنې مشر شاه رسول اوریاخیل وايي، چې د شنبې په ورځ د پاریس د ۱۲مې ناحیي په لاشفیل سیمه کې یوه افغان کډوال خپل بل هېوادوال د چړي په ګوزار وژلی دی.
نوموړی وايي، د پیښې انګیزه نه ده معلومه خو پولیسو د یادې پیښې په اړه پلټنې پیل کړې دي.
دا په داسې حال کې ده، چې د پنجشنبې په ماښام د جرمني په ګوسترو ښار کې یوه افغان کډوال د خلکو په مخ کې دوه نور افغانان په چړو وهلي وو، چې له امله یې یو کس مړ او بل سخت ټپي شو.