د پاکستان په پنجاب ایالت کې د سختو بارانونو او سېلابونو له امله د ماشومانو په ګډون شپږ کسان مړه شوي دي.
په حسن عبدال سیمه کې یو موټر چې لس کسان یې لېږدول په سېلاب کې ډوب شوی، چې له امله یې د څلورو ښځو جسدونه موندل شوي؛ خو د یو څلور کلن ماشوم لټون لا هم روان دی.
دغه کورنۍ له واده نه ستنېده، چې د لارې په اوږدو کې سېلاب ایساره کړې ده.
په یوې بله پېښه کې په بالاکوټ ولسوالۍ کې یو خټین کور نړېدلی، چې دوه نجونې یې مړې کړې دي.