روسیې تېره شپه د اوکراین په کیف ښار کې پر یوې ودانۍ هوايي برید کړی، چې له امله یې ۸ کسان ټپيان شوي دي. د راپورونو له مخې؛ په ټپیانو کې یو درې کلن ماشوم هم شامل دی.
د اوکراین سيمهييزو چارواکو په وینا؛ څلور ټپیان روغتون ته وړل شوي چې د یوه ټپي روغتیايي حالت نازک ښودل شوی دی.
د اوکراین پر مرکزي ښار کرپېونيڅکي هم برید شوی؛ خو د زیان په اړه لا تر اوسه کره معلومات په لاس کې نه شته. روسیې هم تر دې مهاله د دغه برید په اړه څه نه دي ويلي.