د طالبانو د عامې روغتیا وزارت وايي چې د افغانستان په ۳۱۸ ولسوالیو کې د روغتونونو جوړونې لپاره بودیجه منظور شوې ده. د یاد وزارت په وینا، د دغو روغتونونو د جوړونې لومړني کارونه شوي دي.
د دغه وزارت په بیان کې راغلي د عامې روغتیا وزارت په همغږۍ د ملګرو ملتونو د کډوالو چارو ادارې په مالي لګښت د ۲۰ عمومي روغتونونو جوړونې چارې پيل شوي او د ۵ روغتونونو کار بشپړ شوی دی.
د طالبانو د عامې روغتیا وزارت په بیان کې د روغتونونو د جوړونې لپاره د بودیجې اندازه مشخصه شوې نهده.
که څه هم د طالبانو تر دویمۍ واکمنۍ وروسته په افغانستان کې د روږدو کسانو د درملنې ډېر مرکزونه تړل شوي او یا یې بستري خدمتونه کم شوي، خو په دې کلني راپور کې اشاره نه ده ورته شوې.
په بیان کې همداراز راغلي چې په تېر کال کې ۶ زره او ۳۶۷ مسلکي او حمایوي کارکوونکو ته د کار زمینه برابره شوې ده، خو دا نه دي ويل شوي چې دا پخواني او با نوي کارکوونکي استخدام شوي دي.