د هند د بهرنیو چارو وزیر د شانګهای سازمان د بهرنیو چارو وزیرانو غونډه کې وویل، چې نړیواله ټولنه، په ځانګړي ډول د شانګهای سازمان غړي هېوادونه باید د افغانستان د پراختیایي مرستو په برخه کې خپلې هڅې زیاتې کړي. هغه زیاته کړه چې هند به له خپلې خوا بې له شکه دا کار کوي.
نوموړي همداراز په ډاګه کړه، چې اوس اړتیا ده نړۍواله ټولنه اوپه ځانګړې توګه د شانګهای د همکاریو سازمان غړي هېوادونه له افغانستان سره پراختیايي مرستې ډېرې کړي.
افغانستان د شانګهای همکارۍ سازمان ناظر غړی دی، خو دغه غړیتوب یې د افغانستان د جمهوري نظام له سقوط وروسته ځنډول شوی و.
د طالبانو د بهرنیو چارو وزارت ویلي، چې دوی له دې امله دې غونډې ته نه دي غوښتل شوي، چې د شانګهای همکارۍ سازمان غړو هېوادونو غونډه ده او افغانستان یې ناظر غړی دی.