پر غزې د اسراییل تر خونړيو بریدونو وروسته، حماس وسلهوالې ډلې د دوه میاشتني اوربند او د بندیانو د تبادلې غوښتنه کړې ده. ورته مهال اسراییلي ځواکونو د یکشنبې په ورځ په غزه کې پراخ ځمکني عملیات پېل کړي دي.
د حماس یوه جګپوړي چارواکي سياېناېن ته وویل چې ډلې یې په غزه کې د دوه میاشتني اوربند او د ۳۰۰ فلسطیني امنیتي بندیانو د خوشېکېدو په بدل کې له اووه څخه تر نهو پورې اسراییلي یرغملو د خوشېکېدو هوکړې ده.
دې سره جوخت، د اسراییل پوځ د یکشنبې په ورځ وویل چې دوی د غزې په شمالي او سوېلي برخو کې «پراخ ځمکني عملیات» پیل کړي دي.
اسراییل دا اعلان وروسته تر هغه وکړ چې د دواړو خواوو سرچینو وویل چې په قطر کې د اسراییل او فلسطیني وسلهوالې ډلې حماس ترمنځ د غېرمستقیمو خبرواترو په نوي پړاو کې هېڅ پرمختګ نه دی شوی.
د غزې روغتیايي چارواکو ویلي، چې د تېرو ۲۴ ساعتونو پرمهال د اسراییل په هوايي بمباریو کې لږ تر لږه ۱۴۶ فلسطینیان وژل شوي او لسګونه نور ټپيان دي.
چارواکي همدا راز زیاتوي چې د قوي هوایي بریدونو له امله زیات شمېر کسان له پرېوتو ودانیو لاندې پاتې دي او اسراییلي ځواکونه امبولانسونو او مرستندویه ټیمو نه ته اجازه نه ورکوي چې جسدونه را وباسي.