د مخکیني جمهوري حکومت د ولسمشر لومړی مرستیال امرالله صالح د سویس کډوالو اداره کې د یوې وړاندیز شوې طرحې په غبرګون کې د روند سبز اعلامیه خپره کړې او وايي، چې د افغانانو هموطني نه فرمان او نه هم قومیت له منځه وړلی شی.
د سویس یوې رسنۍ په دې وروستیو کې د دغه هېواد د کډوالو ادارې د یوه چارواکي پر وړاندیز رپوټ ورکړی و، چې افغانان د قومیت پر اساس افغانستان ته واستول شي، خو دغه وړاندیز د افغانانو له پراخ غبرګون سره مخ شوی.
امرالله صالح د روند سبز اعلامیه خپره کړې او په تبصره کې یې ویلي، چې افغانان په قومونو او فرمانونو نه شي وېشل کېدای.
د روند سبز په اعلامیه کې راغلي، چې د قومیت له مخې د افغانانو هدف ګرځول ناسم او د نړیوالو قوانینو خلاف دي.
یاده ګوند وايي، چې طالبان له دې مسالې نه د وسیلې په توګه استفاده کوي.