د اسراییل د کډوالو وزارت وايي، چې تېر کال یې له افغانستان، روسیې، امریکا، فرانسې، اوکراین، سویلي کوریا، کینیا او زامبیا څخه له ۲۷ زرو ډير کډوال منلي دي.

د اسراییل د کډوالو وزارت د چهار شنبې په ورځ د خپل کلني راپور وړاندې کولو پرمهال ویلي، چې په ۲۰۲۴ کال کې یې له ۲۷ زره څخه ډیر کډوال منلي دي.

په راپور کې ویل شوي، چې په یادو کډوالو کې د ډاکټرانو، انجنیرانو، هنرمندانو په ګډون د بېلابېلا مسلکونو کسان شامل دي او د اسراییل په ۲۸۶ بېلابېلو سیمو کې میشت شوي دي.

د اسراییل د کډوالو وزارت وايي، ۱۵۱۸۸ تنه له روسیې، ۳۲۰۹ تنه له امریکا، ۲۲۶۵ تنه له فرانسې او ۸۷۸ تنه له اوکراین او له افغانستان، سویلي کوریا، کینیا او زامبیا هېوادونو څخه یې یوـ یو کډوال منلي دي.

د اسراییلي رسنیو د راپور له مخې، یادو کډوالو کې ۱۶ سلنه یې ځوانان دي، چې عمرونه یې د ۲۵ او ۳۴ کلنو ترمنځ دي او پاتې نور یې د پاخه عمر لرونکي کسان، ماشومان او ښځې دي.