د مصر، سعودي عربستان، ایران او پاکستان د بهرنیو چارو وزارتونو د جلا جلا بیانونو له مخې په غزه کې د څهباندې څلور سوو فلسطینیانو وژلکېدل غندلي دي.
د مصر د بهرنیو چارو وزارت د سېشنبې په ورځ (د مارچ ۱۸مه) د اېکسپاڼې له لارې په یوه خپاره کړي بیان کې دا بریدونه د اوربند له تړونه ښکاره سرغړونه او په سیمه کې یو ناوړه ترینګلتیا بللې ده.
نوموړي وزارت په دغه بیان کې له نړۍوالې ټولنې د سملاسي اقداماتو غوښتنه کړې او ویلي یې دي، چې اسراییل دې د غزې پر تړانګې خپل وژونکي بریدونه ودروي.
ورته مهال د سعودي عربستان د بهرنیو چارو وزارت په یوه بیان کې د اسراییلي پوځ له زور زیاتي څخه د فلسطیني ملکیانو د خونديتوب پر ارزښت ټينګار کړی او له نړۍوالې ټولنې یې غوښتي چې د روان کړکېچ لپاره دې سملاسي اقدامات وکړي.
دې سره جوخت، د ایران اسلامي جمهوریت د بهرنیو چارو وزارت ویاند اسماعیل بقايي بیا ویلي، چې د امریکا متحدهایالات د «فلسطین په اشغال شويو سیمو کې د نسلوژنې د دوام» مسووله ده.
بلخوا د پاکستان د بهرنیو چارو وزارت په خپلې اېکسپاڼې کې ویلي، چې دا بریدونه په داسې حال کې کېږي چې فلسطینیان د روژې مبارکه میاشت لمانځي او دا کړنه نه یوازې د بېګناه ملکيانو پر وړاندې جرم دی، بلکې د دې سپېڅلې میاشتې تقدس هم تر پښو لاندې کوي.
د فلسطین روغتیايي چارواکو د معلوماتو پر بنسټ، د غزې پر تړانګې د اسراییل په تازه بریدونو کې د حماس څلورو لوړپوړو چارواکو په ګډون له ۴۰۰ډېر ملکیان وژل شوي دي.
د اسراییل د لومړي وزیر دفتر په یوه بیان کې ویلي، دا اقدام حماس ته ځواب و چې په غزه کې د برمتهشویو کسانو خوشېکېدو ته تیار نه دی.
بلخوا حماس خبرداری ورکړی، چې له دغو بریدونو سره د دغې ډلې او اسراییل ترمنځ اوربند لهمنځه لاړ.