د ملګرو ملتونو د استوګنې ادارې (UN-Habitat) ویلي، چې تر ۲۰۶۰کاله پورې به د افغانستان نیمایي خلک په ښارونو کې ژوند وکړي؛ خو ډېری ښارونه د چټکې ښاري ودې لپاره چمتو نهدي.
دغه ادارې زیاته کړې، چې د مناسب او خوندي چاپېریال رامنځته کول د ښارونو د پرمختګ لپاره حیاتي موضوع ده. د یادې ادارې په وینا؛ د ښاري ودې مدیریت او د اوسېدونکو لپاره د خوندي او مناسب چاپېریال برابرول د افغانستان د ښارونو راتلونکې لپاره مهم ګامونه دي.