د افغانستان د فوټسال ملي لوبډله د اسلامي هېوادونو ترمنځ د همغږۍ سیالۍ په لړ کې نن پنجشنبه (د لړم ۱۵مه) د کابل په وخت د ماسپښین په ۳:۰۰ بجو د ایران پر وړاندې د لوبو ډګر ته ښکته کېږي.
دغه لوبه د سعودي عربستان د ریاض ښار په ګرین هال لوبغالي کې ترسره کېږي.
افغانستان د درېیو امتیازونو په لرلو سره د دغه سیالیو د جدول په سر کې ځای راغلی. افغان لوبډلې د دغه سیالیو په لومړۍ لوبه کې د ۹–۵ ګولونو په توپیر تاجکستان ته ماتې ورکړه.
د ایران او مراکش ترمنځ بیا لوبه ۲-۲ مساوي اعلان شوه. په دغه سیالیو کې اتو لوبډلو ګډون کړی.