د کرملین ویاند دیمیتري پسکوف ټاس خبري اژانس ته ویلي، روسیه غواړي چې د امریکا او وینزویلا ترمنځ وضعیت په سولهییز لوري روان پاتې شي او په سیمه کې هېڅ ډول نوې شخړه رامنځته نه شي.
دا په داسې حال کې ده، چې د جمعې په ورځ د لړم ۹مه «سياېناېن» راپور ورکړی، چې په کاراییب سمندر کې د امریکایي ځواکونو د مېشتېدو له زیاتېدو سره سم، د وینزویلا ولسمشر نیکولاس مادورو په جلا-جلا لیکونو کې د روسیې، چین او د ایران له مشرانو غوښتي، چې د «امریکا د نږدې یرغل» د مخنیوي لپاره پوځي تجهیزات او دفاعي مرستې واستوي.