د طالبانو د امر بالمعروف وزارت ویاند سیف الاسلام خیبر ویلي، چې په تېرو دوو میاشتو کې یې د افغانستان په بېلا بېلو ولایتونو کې د ۵۶ او په څلورو کلونو کې د اووه زره ښځو د جبري نکاح مخه نیولې ده.
د یاد وزارت ویاند زیاته کړې، چې د تېرو څلورو کلونو په موده کې افغان ښځو ته د هغوی شرعي حقونه ورکړل شوي دي.
نوموړي دا نه دي ویلي، چې افغان ښځو ته کوم شرعي حقونه ورکړل شوي، ځکه دمګړۍ افغانې مېرمنې د زده کړو، کار او سفرونو په ګډون له ګڼو شرعي او انساني حقونو نه بې برخې دي.