د طالبانو د کورنیو چارو وزارت مرستیال محمد نبي عمري په کابل کې د برېټانیا له ځانګړي استازي ریچارډ لنزي سره لیدنه کړې. په خبرپانه کې راغلي چې دواړو لوریو یو بل سره د اړیکو پر ډېرېدو ټینګار کړی دی.
همدا راز زیاته شوې چې د افغانستان لپاره د بریټانیا ځانګړي استازي د بشري مرستو پر دوام او د افغان کډوالو د لاسنیوي په برخه کې ژمنې کړي دي.
لنزي تېره اونۍ د طالبانو د کډوالو او بېرته راستنېدونکو چارو له وزیر سره په کتنه کې ویلي و چې افغانستان ته په لوی شمېر کې د افغانان بېرته راستنېدنه او د اقلیمي بدلون ناببره څپو د بشري مرستو اړتیا ډېره کړې ده.