ملګري ملتونه وايي چې د امریکايي فاکس نیوز ټلوېزیوني شبکې د یوې خپرونې کوربه جیسي واټرز د هغو څرګندونو له کبله بښنه غوښتې چې ګواګې د دغه ادارې د بمبار غوښتنه یې کړې وه.
واټرز دغه څرګندونې د ملګرو ملتونو عمومي غونډه ته د ډونالډ ترمپ د ورتګ پرمهال د برقي زینو او ټیلي پرامټر له خرابېدو وروسته کړې وې.
د ملګرو ملتونو ویاند د دغه کوربه څرګندونې غیر مسولانه بللې دي او ویلي چې نوموړي له دوی سره په شخصي اړیکه کې د خپلو څرګندونو له کبله بښنه غوښتې ده.