په پنجشیر کې د طالبانو د والي ویاند سیف الدین لټون وايي، د دې ډلې د دفاع وزارت د امر پر بنسټ یې د پنجشیر ۴۰۰ ځوانان د اردو په لیکو کې جذب کړي دي.
نوموړی زیاتوي، چې د یادو ځوانانو د جذب پروسه پای ته رسیدلي او د پنځه میاشتنیو نظامي زده کړو لپاره به کابل ته واستول شي.
سیف الدین لټون وايي، چې د دې ډلې د مشر هبتالله اخوندزاده د ځانګړي فرمان پر اساس په روان کال کې د دغه ولایت ۱۵۰۰ ځوانان د پولیسو او اردو په لیکو کې جذب شوي دي.