د منځني ختیځ، افغانستان او پاکستان په چارو کې د بریتانیا د بهرنیو چارو وزارت مسوول د قطر په منځګړیتوب د طالبانو له زندانه د یوې بریتانیايي جوړې له خوشې کېدو وروسته د یوې اعلامیې په خپرولو خوښې ښودلي ده او هېله لري چې پیټر او باربي رینولډز به ډېر ژر له خپلې کورنۍ سره یوځای شي.
هامیچ فاکونر وايي:«زه ډېر خوشحاله یم چې پيټر او باربي رینولډز نور په افغانستان کې بندیان نه دي او د دوی کړاو پای ته رسېدلی دی.»
نوموړي ویلي، چې په افغانستان کې د بریتانیايي وګړو لپاره د حکومت کونسلي ملاتړ ډېر محدود دی او هېڅوک باید افغانستان ته سفر ونه وکړي.
نوموړي دا څرکندونې پر داسې مهال کړې، چې یوه برېتانیايي جوړه له اووه میاشتو زندانې کېدو وروسته نن خوشې شول.