د طالبانو دفاع وزیر محمد یعقوب مجاهد قطر ته د خپل رسمي سفر په ترڅ کې د یاد هېواد د بهرنیو چارو وزیر دکتور محمد بن عبدالعزیز الخلیفي ترڅنګ د قطر د وزیرانو شورا مرستیال او د دولت د دفاع وزیر شیخ سعود بن عبدالرحمن بن حس ال ثاني سره وکتل.
د طالبانو د ویاند مرستیال حمدالله فطرت وایي چې په کتنه کې د دواړو لوریو تر منځ پر مشترکو موضوعاتو بحث شوی.
هغه زیاتوي چې دواړو لوریو د دوه اړخیزو اړیکو پر پیاوړتیا ټینګار کړی اوتر څنګ یې د سیمې او نړۍ پر وروستیو پېښو او تحولاتو هم خبرې کړې.
فطرت وایي یعقوب مجاهد پر قطر د اسراییل وروستی برید غندلی او د پېښې قربانیانو ته یې دعا هم کړې ده.