د کډوالو نړیوال سازمان ویلي، چې د تېرې ورځې د سختو بارانونو او ناڅاپي سېلابونو له امله په ننګرهار او کونړ ولاتیونو کې شاوخوا ۴۰۰ کورنۍ زیانمني شوې شوې دي. دغه سازمان ویلي، چې د ناڅاپي سېلابونو راوتلو له امله په یادو ولایتونو کې ګڼ کورونه، سړکونه او کرنیزې ځمکې ویجاړې شوې دي.
د کډوالو نړیوال سازمان په وینا، د دوی مرستندویه ډلې په سیمه کې د زیانمنو شویو خلکو اړتیاوې ارزوي او اړمنو کسانو ته مرستې چمتو کوي.