روسي چارواکي وايي، د یکشنبې په ورځ پر روسيې د اوکراین په ډرون بریدونو کې د کورسک اتومي بټۍ د يو ریاکتور فعالیت نیمایي ته راکم شوی او په شمالي لیننګراد کې د تیلو د صادراتو په یوه ستر ترمینل کې اور لګېدلی. ډرون څرخکې ترمینل ته ننوتلې او چاودېدلې دي.
د روسيې د دفاع وزارت وویل چې د اګست پر۲۴مه لږ تر لږه ۹۵ اوکراييني ډرونونه کشف او له منځه وړل شوي دي.
د کور سک اټومي بټۍ، چې د اوکراين له پولو یوازې ۶۰ کیلومتره لرې ده، ویلي چې هوايي دفاعي سیستم د ډرون مخه ونیوله، خو ډرون د بټۍ په شاوخوا کې وچاودېد، یو اضافي ټرانسفارمر یې ویجاړ کړ او د درېیم ریاکتور فعالیت نیمایي ته راکم شو. د اور لګېدنې له کبله هیڅ ډول چاودنې یا زیان نه دی رامنځته شوی.
د ملګرو ملتونو اټومي ادارې ویلي چې دوی پر ټرانسفارمر د اور لګېدنې رپوټونه ترلاسه کړي دي او ټینګار کوي چې هره اتومي بټۍ باید په هر وخت کې خوندي وساتل شي.
لږ تر لږه ۱۰ اوکراييني ډرونونه د روسیې په شمالي لینینګراد سیمه کې اوست لوګا بندر کې ټرمینل ته ننوتلي او چاودېدلي دي.
په نا تایید شويو ویډیوګانو کې لیدل کیږي چې ډرون مستقیم ټرمینل ته ننوځي او ورپسې تور لوګي خپریږي.
د لینینګراد د سیمې والي الکساندر دروزډینکو وویل: «اور وژونکي او بیړني خدمات په اوروژنې بوخت دي».