د خېبر پښتونخوا باجوړ ولسوالۍ ماموند سیمې پورې اړوند ترخو کلی د امنیتي ځواکونو له خوا له وسله والو پاک اعلان شوی. د سیمې اوسېدونکو ته اجازه ورکړل شوې چې خپلو کورونو ته بېرته ستانه شي.
د باجوړ ولسوالۍ دولتي مسولینو خبر ورکړی چې، د کلی ژوند عادي حالت ته ګرځېدلی دی او خلک خوشحال دي چې سیمه له وسلهوالو څخه پاکه شوې ده.
چارواکو د اوسېدونکو د خوندي او باعزته ستنېدو ډاډ ورکړی دی.
یاد چاروکي وایي، د بېکوره شوو کورنیو د بېرته ستنېدو بهیر به په نورو سیمو کې هم تدریجي پیل شي.
د یادونې وړ ده چې د باجوړ په ولسوالۍ کې د وسلهوالو پر ضد روانو عملیاتو له کبله خلکو ته له وړاندې امر شوی و چې سیمه خالي کړي.