په ننګرهار کې د طالبانو د والي دفتر رییس شاهد نوراني د پخواني جمهوري نظام د ځانګړو ځواکونو د یوې استخباراتي قطعې افسر کور ته ورغلي او د هغه د څلورو اولادونو، مېرمنې او پلار د «وحشیانه» وژل کېدو په تړاو یې ورسره غمرازي کړې ده.
د طالبانو یاد چارواکي د اسفندیار تلوار په نوم د جمهوري نظام دغه پخواني سرتېري ته ویلي، چې دوی د پېښې په تړاو هر اړخیزې پلټنې پیل کړې دي. دا په داسې حال کې ده، چې همدا تېره ورځ طالبانو خبر ورکړ چې د پېښې په تړاو یې د شخصي دوښمنۍ له کبله ۳تورن کسان نیولي دي؛ خو یاد پخواني نظامي افغانستان انټرنشنل ته لا له وړاندې ویلي و، چې له چا سره هېڅ ډول دوښمني نهلري.