القاعده شبکې ته نېږدې طالب چارواکی مولوي سعدالله بلوچ په انډونیزیا کې د دغې ډلې د سرپرست سفیر په توګه دنده پیل کړه.
افغانستان انټرنشنل - پښتو ته یو شمېر سرچینو تایید کړې، چې نوموړی القاعده شبکې سره نېږدې اړیکې لري او د جمهوري دولت پر مهال له ایران سره د القاعدې د غړو په تبادله کې یې مستقیم رول درلود.
نوموړی له دې وړاندې د طالبانو تر کنټرول لاندې په بهرنیو چارو وزارت کې د سرحدي او فرهنګي چارو د رییس په توګه دنده کوله
په انډونیزیا کې د افغانستان سفارت په خپل اېکس کې لیکلي: «په جاکارتا کې د افغانستان د اسلامي امارت د سفارت سرپرست مولوي سعدالله بلوڅ د اندونیزیا د خپلواکۍ د اتیا یمې کلیزې د نمانځغونډې په مراسمو کې ګډون وکړ.»