د طالبانو د اقتصاد وزارت ویلي، چې په کابل کې د اندونیزیا شارژدافیر نندا اوولیسټ د دې ډلې د اقتصاد وزیر قاري دین محمد سره په لېدنه کې په افغانستان کې پانګونې ته لېوالتیا ښودلې او غواړي د سوداګریزو اسانتیاوو لپاره د "سوداګرۍ او صنایعو خونه" جوړه کړي.
د طالبانو د اقتصاد وزارت د یکشنبې په ورځ د یوې اعلامیې په خپرولو سره د اندونیزیا د شارژدافیر له قوله لیکلي :«د اندونیزیا شرکتونه چمتووالی لري، چې د افغانستان په بېلابېلو سکتورونو کې پانګونه وکړي او د دواړو هېوادونو د سوداګرو ترمنځ د سوداګریزو اړیکو د اسانتیا لپاره د سوداګرۍ او صنایعو خونه جوړه کړي.»