د طالبانو د امربالمعروف، نهې عن المنکر او شکایتونو اورېدو وزارت وايي، په زابل ولایت کې یې د هغې ځوانې مېرمنې د نکاح مخه نیولې چې خسرګنۍ یې غوښتل هغه یو شپږ کلن ماشوم ته د هغې له خوښې پرته په نکاح کړي.
د دغه وزارت له لوري نن چهارشنبه د (زمري ۸مه) په خپرې شوې خبرپاڼه کې راغلي، چې د طالبانو محتسبانو د زابل په نوبهار، ارغنداب، او اتغر ولسوالیو کې درې نورې مېرمنې هم له کورني تاوتریخوالي ژغورلې دي.