په کابل کې د شپږیزه کرېکټ لیګ په لسم پړاو سیالیو کې سپین غر لوبډلې تر څلورو ماتو وروسته په پنځمه لوبه کې بند امیر لوبډلې ته د څلورو وېکټو په توپیر ماته ورکړه او ورسره یې په یاد لیګ کې لومړۍ بریا هم خپله کړه.
د افغانستان د کرېکټ بورډ په وینا، په نننۍ لوبه کې بند امیر لوبډلې د خپلو ۷ لوبغاړو په سوځېدو سره ۱۷۷ منډې جوړې کړې او د ۱۷۸ منډو هدف یې سیالې لوبډلې ته وټاکه.
سپين غر لوبډلې بیا د ۶ لوبغاړو په سوځېدو سره یاد هدف ترلاسه او لوبه د څلورو وېکټو په توپیر وګټله.