رویټرز خبري اژانس د امریکا د بهرنیو چارو وزارت له خولې راپور ورکړی، چې د امریکا د اختراع او نښه ثبتولو دفتر یو کارکوونکی په شخصي سفر چین ته تللی؛ خو اوس چین له دغه هېواده د وتلو اجازه نه ورکوي.
د امریکا د بهرنیو چارو وزارت ویلي، دغه امریکايي وګړی د خپلې کورني لیدو لپاره چین ته په وېزه او شخصي سفر تللی و.
واشنګټن پوسټ لیکلي، دغه مامور ته هغه وخت له چین څخه د وتلو اجازه ورنه کړل شوه چې معلومه شوه په وېزه کې یې وظیفه نه ده لیکل شوې.