د اوکراین ولسمشر ولادیمیر زېلېنسکي د دوشنبې په ورځ امریکا، بلجیم، کاناډا، استونیا، هسپانیا، جاپان، جنوبي افریقا، متحده عربي امارات او نورو هېوادونو ته نوي سفیران وټاکل، څو له واشنګټن سره اړیکې لا ټینګې کړي او په نړیواله کچه روسیه منزوي کړي.
تېره اونۍ، ولسمشر زېلېنسکي د حکومت د بدلون نوې لړۍ پیل کړه او یولیا سویریدینکو، چې ۳۹ کلنه ده او د اقتصاد د وزیرې په توګه یې کار کاوه، د صدراعظمې په توګه معرفي کړه. هغه له وړاندې په واشنګټن کې ښه څېره بلل کېږي.
همداراز، ټاکل شوې چې د صدراعظم مرستیاله اولها ستفانیشینا په امریکا کې نوې سفیره شي، څو د ټرمپ د ادارې سره د اړیکو رغولو هڅې چټکې کړي.