په ترکمنستان کې د طالبانو سفیر فضل محمد صابر په همدې هېواد کې د پاکستان له سفیرې فریال لغاري سره د اړیکو د پراخوالي، د سوداګریزو همکاریو پر پیاوړتیا او پاکستان کې د میشتو افغانانو د ستونزو د حل په اړه خبرې کړي دي.
د معلوماتو له مخې په ترکمستان کې د طالبانو د سفارت سرپرست د پاکستان له سفیرې افغانانو ته د ویزو د ورکړې په برخه کې د اسانتیاو د رامنځته کولو غوښتنه وکړه چې مقابل لوري له اړوند چارواکو سره د دغه غوښتنې د شریکولو ژمنه وکړه.
دا په داسې حال کې ده چې په پاکستان کې افغان کډوال له بېلابېلو ستونزو سره مخامخ دي.