روسیه وايي چې په تېرو ۲۴ ساعتونو کې یې ۶۵ اوکرایني سرتېري وژلي دي. د ټاس خبري اژانس د معلوماتو لهمخې، روسي ځواکونو د نووانډریوکا، سټیپنوګورسک، ویسوولود، انتونوفکا او د نیپرو په ګډون په څو سیمو کې اوکرایني ځواکونو ته ماتې ورکړې ده.
روسي پوځ زیاته کړې چې په دې پوځي عملیاتو کې د اوکراین د پوځ ۱۱ موټرونه، یوه توپخانه، نهه برېښنایي جنګي وسایل، شپږ د مهماتو ډیپوګانې او ځینې نور تجهیزات هم ویجاړ شوي دي.
اوکراین تر اوسه په دې تړاو څه نه دي ویلي.