د امریکا د بهرنیو چارو وزیر مارکو روبیو له برېتانیا، کاناډا، ناروې، نیوزیلنډ او اسټرالیا څخه د اسراییل د کابینې پر دوو وزیرانو د تحریم د لرې کېدو غوښتنه وکړه.
د نوموړي په خبره، د اسراییل د کابینې پر دوو وزیرانو تحریمونه د امریکا په مشرۍ د غزې اوربند، د ټولو یرغمل شویو د خوشې کېدو او د جګړې د پای ته رسېدو هڅو سره مرسته نه کوي.
دا په داسې حال کې ده، چې ټایمز د سې شنبې په ورځ خبر ورکړ چې برېتانیا او نور نړۍوال متحدین به یې د غزې جګړې په تړاو د اسراییل دوه خورا ښي اړخي وزیران ایتامار بن ګویر او سموتریچ په رسمي ډول تحریم کړي.