د امریکا ولسمشر ډونالډ ټرمپ فاکس نیوز شبکې ته ویلي، چې ایران په اټومي خبرو کې «ډېر یرغلګر» شوی دی.
د ایران د بهرنیو چارو وزارت ویاند اسماعیل بقایي تېره ورځ وویل، له امریکا سره د اټومي خبرو بل پړاو ټاکل شوې ده چې د یکشنبې په ورځ (د غبرګولي ۲۵مه) په عمان کې ترسره شي.
دا په داسې حال کې ده، چې تر دې وړاندې د امریکا ولسمشر ډونالډ ټرمپ ویلي و، چې د خبرو بل پړاو به د پنجشنبې په ورځ د غبرګولي ۲۲مه ترسره شي.