د طالبانو د اقتصاد وزارت ویاند عبدالرحمان حبیب وایي، چې د دغې ډلې له اقتصاد وزارت سره ټولې ۲زره او ۶۰۸ موسسې ثبت او راجستر دي؛ خو له دې ډلې دامهال ۸۲۰ موسسې د افغانستان په بېلابېلو ولایتونو کې پروژې لري.
هغه د طالبانو تر واک لاندې ملي ټلویزیون سره په مرکه کې ویلي، چې له دغو موسسو ۲۸۰ یې نړۍوالې او پاتې نورې بیا کورنۍ موسسې دي.
د نوموړي په وینا؛ دغه موسسې د افغانستان په ۳۴ ولایتونو کې د ټولنیز خوندیتوب، پوهنې، روغتیا او بېلابېلو برخو کې فعالیت لري.
هغه زیاته کړې، چې د دغې ډلې د اقتصاد وزارت د دغو موسسو د فعالیتونو منسجمولو او څارنې په برخه کې بیا یوه پراخه تګلاره هم لري.