طالبانو په کابل او لغمان ولایتونو کې ۲۱ کسان د «نامشروع اړیکو، غلا، نشه یي توکو د پیر، پلور او قاچاق» په جرمونو په عام محضر کې په دُرو وهلي دي.
د طالبانو سترې محکمې د شنبې په ورځ (د غبرګولي ۳مه) د جلا-جلا خبرپاڼو په خپرولو سره ویلي، چې له یاد شمېر کسانو څخه یوولس تنه یې په کابل او لس نور یې په لغمان کې په دُرو وهل شوي دي.
د دغې محکمې د خبرپاڼو پربنسټ، یادو کسانو کې ځیني یې په پنځه او درې کاله او ځیني یې په شپږو میاشتو بند محکوم او له ۱۰ څخه تر ۳۹ دُورې وهل شوي دي.