د اسوشیټېډپرېس د راپور له مخې، اوکراین او د امریکا متحدهایالاتو په واشنګټن کې اقتصادي تړون لاسلیک کړ.
دا تړون د چهارشنبې په ورځ داسې مهال لاسلیک کېږي، چې ډونالډ ټرمپ په وروستیو اوونیو کې له اوکراین نه د امریکا د پوځي او اقتصادي مرستو په بدل کې د غرامت غوښتنه کړې ده.
د امریکا د خزانې وزیر سکاټ بېسنټ وايي، چې دا تړون به له اوکراین سره د اقتصادي پروژو د پانګونې او اقتصادي بیارغونې په ګړنديکېدو کې مرسته وکړي.
د اوکراین د اقتصاد وزیرې یولیا سویریدینکو هم منلې، چې دغه تړون له متحدهایالاتو سره د ګډ صندوق د جوړېدو په موخه لاسلیک شوی دی.