په پېښور کې امنیتي چارواکي وايي، د دغه ښار په فقیر اباد کې پر ګادي د برید له کبله ۵ تنه وژل شوي او ۲ نور ټپیان شوي دي.
امنیتي مسولين زياتوي، چې پېښه د شخصي دوښمني له کبله ده.
د پېښور پولیسو مشر ډي ایس پي عمرخان اپريدې تر پېښې وروسته په سيمه کې خبريالانو ته ویلي، چې بریدګر تښتېدلي او د نیولو لپاره یې عملیات پيل شوي دي.
نوموړي ویلي، چې ټپيان یې د سيمې لوی روغتون ته انتقال کړي دي.
پولیسو په پېښه کې د وژل شویو او ټپيانو پېژندنې هم نشر کړې او زياته کړې یې ده، چې په پېښه کې د قربانیانو د کورنۍ له لوري یې دا قضيه رسمي ثبت کړې.