رویټرز خبري اژانس د یوه ایراني چارواکي له قوله ویلي: «د ابراهیم رییسي چورلکه په پېښه کې په بشپړه توګه سوځېدلې ده.»
د ایران د دولتي رسنیو په وینا، تر اوسه پورې د چورلکې د سپرلیو د ژوندي پاتې کېدو نښې نښانې نه دي ترلاسه شوې.
هاخوا د ایران د سرې میاشتې ټولنې مشر پیرحسین کولیوند منلې چې د دغه هېواد د ولسمشر ابراهیم رییسي د چورلکې د غورځېدو ځای موندل شوی دی.
پیرحسین کولیوند وویل: «حالات ښه نه دي.»
تسنیم خبري اژانس د رییسي د چورلکې د موندل کېدو د شیبې انځورونه خپاره کړي دي.